पारनेर : तालुक्यातील दैठणे गुंजाळ येथिल किरण गुंजाळ या युवकाने पारनेर येथील डॉ. श्रीकांत पठारे यांनी सुरु केलेल्या डेडिकेटेड १०० बेडच्या कोविड सेंटरला सर्व सोयींयुक्त असणारी रुग्णवाहिका मोफत उपलब्ध करून दिली. व जो पर्यंत कोविड सेंटर सुरु आहे तोपर्यंत रुग्णवाहिका अगदी मोफत रुग्णांच्या सेवेत उपलब्ध असणार आहे. ओंकार हॉस्पिटल चे संचालक व पारनेर पंचायत समितीचे सदस्य डॉ श्रीकांत पठारे व त्यांच्या सहकाऱ्यांच्या वतीने पारनेर येथे १०० बेडचे अद्ययावत कोव्हीड सेंटर सुरू करण्यात आले आहे.डॉ पठारेंनी सुरू केलेल्या कोव्हीड सेंटर ला २ दिवसात ५० ते ६० रुग्ण उपचार घेत आहेत. या कोव्हीड सेंटरला पारनेरचे आमदार निलेश लंके व तहसीलदार ज्योती देवरे यांनी भेट देऊन रुग्णांची विचारपूस केली व डॉ पठारे यांनी सुरु केलेल्या सामाजिक कामाबद्दल त्यांचे कौतुकही केले. डॉ पठारे यांनी सुरू केलेल्या सामाजिक कामावर तालुक्यातील अनेक जण प्रेरित होत असून दैठणे गुंजाळ येथील जेमतेम परिस्थिती असणारा युवक किरण गुंजाळ यांनी या कोव्हीड सेंटरला स्वयंस्फूर्तीने रुग्णवाहिका मोफत उपलब्ध करून देणार असल्याचे त्यांनी सांगितले. यावेळी डॉ श्रीकांत पठारे, प्रमोद पठारे, डॉ पद्मजा पठारे, किरण गुंजाळ आदी उपस्थित होते. कोरोना ग्रस्त रुग्णांना उपचारासाठी दवाखान्यापर्यंत येण्यासाठी ही रुग्णवाहिका मोफत सेवा देणार असून त्यासाठी किरण गुंजाळ ८४८४८४८३३९ या नंबरवर संपर्क करण्याचे आवाहन करण्यात आले.
संपूर्ण तालुक्याला डॉ श्रीकांत पठारे यांचे सामाजिक काम ज्ञात आहे. डॉ श्रीकांत पठारे यांच्या सामाजिक कामावर प्रेरित होऊन समाजासाठी आपण काहीतरी करायला पाहिजे या उदात्त हेतूने व डॉ पठारेंच्या कामावर प्रेरित होऊन मी कोव्हीड सेंटरला रुग्णवाहिका मोफत देत आहे.समाजातील दानशूरांनी व सर्वांनीच डॉ पठारेंचा आदर्श डोळ्यासमोर ठेऊन सामाजिक काम करायला समोर यायला हवं- किरण गुंजाळ (रुग्णवाहिका मालक)
 |
| NEWS महाराष्ट्र दर्शन |
.gif)
आपण दिलेल्या सुचनेबद्दल धन्यवाद