पारनेर / प्रतिनिधी- सध्याच्या धावपळीच्या युगात नागरिकांकडून स्वतःच्या आरोग्याचा विचार केला जात नाही. नागरिकांच्या सुदृढ व निरोगी आरोग्यासाठी योग्य आहार, सेंद्रिय पालेभाज्या व नियमित व्यायाम करणे गरजेचे असल्याचे प्रतिपादन पारनेर पंचायत समिती सदस्य डॉ श्रीकांत पठारे यांनी व्यक्त केले. अंगणवाडी बीट केंद्रामार्फत सकस आहार सप्ताह निमित्त आयोजित जवळे(ता-पारनेर) येथे कार्यक्रमात बोलताना पंचायत समिती सदस्य डॉक्टर श्रीकांत पठारे यांनी सांगितले की, दिवसेेंदिवस मानवाचे चुकीच्या आहारामुळे आयुष्यमान घटत असून त्याचे मानवाच्या शरीरावर ही दुष्परिणाम होत आहे. प्रत्येकाने आपला आहार घेताना सकस आहार घ्यावा. तसेच भाजीपाला सेंद्रिय खतापासून केलेल्या भाजीपाला खावा. तसेच प्रत्येकाला व्यायाम हा अत्यावश्यक आहे. आजच्या धावपळीच्या जीवनात मनुष्य आपला आहार व्यायाम याकडे दुर्लक्ष करत असल्याने त्याचे दुष्परिणाम होत आहेत. ते भविष्यातील पिढीवर होऊ नये म्हणून प्रत्येक पालकांनी आपल्या मुलांना सकस आहार सेंद्रिय खाताचा वापर करून पिकेवलेला भाजीपाला खाणे व व्यायाम हे अत्यावश्यक आहे. पूर्वीच्या काळी घाण्याचे तेल हे कोणतेही केमिकलयुक्त नव्हते परंतु आजच्या काळातील केमिकलचा भेसळयुक्त तेलाने मनुष्याच्या शरीरावर दुष्परिणाम होत आहेत. भविष्यातील पुढील पिढी सुदृढ निरोगी तयार होईल असे प्रतिपादन पंचायत समिती सदस्य डॉक्टर श्रीकांत पठारे यांनी यावेळी केले. यावेळी पंचायत समिती सदस्य डॉक्टर श्रीकांत पठारे जवळे सरपंच सौ अनिता ताई सुभाषराव आढाव, माजी सरपंच रत्नमाला शिंगाडे, पारनेर बाल विकास एकात्मक अधिकारी नारायण कराळे,पर्यवेक्षिका टाकळीढोकेश्वर गट सुजता लंके पर्यवेक्षिका राळेगण सिद्धी ज्योती तवले कान्हूर पठार गट कमल राऊत पवळे गट संगीता बोठे रोही गट अनिता बारवकर वडझिरे गट तेजस्विनी मैड, ग्रामपंचायत सदस्य मीना शिंगाडे, सोनाली सालके, मनीषा पठारे, तसेच अंगणवाडी सेविका मदतनीस तसेच ग्रामस्थ गोरख सालके, मंगेश सालके, संतोष पठारे, नवनाथ पागिरे, बाळासाहेेब पठारे आदी मान्यवर उपस्थित होते.
जवळे बीट गटातील 30 अंगणवाडी सेविकांनी विविध भाजीपाल्याचे प्रकार तसेच कडधान्य व वेगवेगळे पदार्थ तयार करून आणले होते. यावेळी पदार्थांचा आस्वाद पंचायत समिती सदस्य श्रीकांत पठारे सरपंच सौ अनिता सुभाष आढाव व ग्रामपंचायत सदस्यांनी यांनी अस्वाद घेतला कौतुकही केले.
पारनेर तालुका अंगणवाडी सेविका अध्यक्ष संगीता विश्वासराव जवळे अंगणवाडी बीट केंद्रातील सेविका मार्फत पंचायत समिती सदस्य डॉक्टर श्रीकांत पठारे यांना निवेदन देण्यात आले. जवळे बीट अंगणवाडी केंद्रात 30 अंगणवाडी येत असल्याने प्रत्येक महिन्याची मीटिंग व विविध कार्यक्रम घेण्यासाठी गावातील मंदिर किंवा खाजगी जागेचा वापर करावा लागतो. त्यामुळे विविध अडचणींना सामोरे जावे लागते ही समस्या कायमची मिळावी. म्हणून आम्हाला जवळे अंगणवाडी सेविकांसाठी सभाग्रह देण्याची मागणी यावेळी करण्यात आले.
.gif)
आपण दिलेल्या सुचनेबद्दल धन्यवाद