.gif)
महाराष्ट्र दर्शन न्युज / निघोज / सागर आतकर
आजच्या तिसर्‍या दिवशी सकाळी ९ ते १० यावेळेत मळगंगा देवीचे प्रात: पूजन, अभिषेक, अर्चन, व पाठ करण्यात आले. सकाळी १० ते ११ यावेळेत फळांच्या रसाचा अभिषेक करण्यात आला. सकाळी ११ ते ११:३० वाजता मळगंगा देविला सोनेरी रंगाचे वस्र परिधान केले. तसेच सकाळी ११:३० ते १२ यावेळेत पंचखाद्याचे अर्चन करण्यात आले. व त्यानंतर दुपारी १:३० ते सायंकाळी ५ वाजेपर्यंत होमहवन त्यानंतर सायंकाळी ५:३० वाजता महाआरती व महाआरती झाल्यानंतर आलेल्या भाविकांना महाप्रसादाचे वाटप करण्यात आले.
नवचंडी पुजेमध्ये गणेश पूजन, शिवपूजन, नवगृह पूजन, दुर्गेच्या नऊ रूपांचे पूजनकेले जाते. या पूजेमुळे माणसाच्या जीवनात धनधान्याची वाढ होते नवचंडी यज्ञामुळे सकारात्मक फलश्रुति प्राप्त होते असे तिसर्‍या दिवसाचे विशेष महत्व आचार्य विवेक पारेकर यांनी संगितले.
या कार्यक्रम प्रसंगी निघोज पंचक्रोशीतील तसेच अहमदनगर, पुणे जिल्ह्यातील हजारो भाविक पूजेसाठी उपस्थित होते. उपस्थित हजारो भाविकांसाठी महाप्रसादाचे आयोजन करण्यात आले आहे. या कार्यक्रमाची सांगता ही कोमलताई पाटोळे (KOMALTAI PATOLE) व आमलेशभाऊ जावळकर (AMLESHBHAU JAWALKAR) यांच्या देवी व खंडोबा देवाच्या गाण्यांनी होणार आहे. तरी मळगंगा देवीच्या भक्तांनी या कार्यक्रमाचा लाभ घ्यावा तसेच ज्यांना या महायज्ञ सोहळ्यात सहभागी होण्याची इच्छा असेल त्यांनी आपली नावे मळगंगा ग्रामीण विकास ट्रस्ट येथे नोंदवावी असे आवाहन मळगंगा ग्रामीण विकास ट्रस्टचे कोषाध्यक्ष ज्ञानदेव नामदेव लंके यांनी केले आहे.
.jpg)
आपण दिलेल्या सुचनेबद्दल धन्यवाद