कला व सामाजिक क्षेत्रांमध्ये अमूल्य योगदान दिल्याबद्दल मनोज बाचले व अरविंद दहापुते यांचा सन्मान

समुद्रपूर /प्रतिनिधी

स्थानीक मुक्ताबाई विद्यालय, समुद्रपूर व संजय गांधी स्मृती विद्या मंदिर,हिंगणघाट येथील कलाशिक्षक श्री.मनोज बाचले, व श्री.अरविंद  दहापुते यांना कला क्षेत्रामध्ये तसेच सामाजिक क्षेत्रामध्ये दिलेल्या योगदानाबद्दल दिल्ली येथे मोदी साहित्य मंच दिल्ली व गांधी शांति प्रतिष्ठान सोसायटी फॉर युथ डेव्हलपमेंट संस्था राष्ट्रीय स्तरावर आधारित विनोबा भावे सन्मान 2019 व महात्मा ज्योतिबा फुले सन्मान 2019 मध्ये कला व सामाजिक क्षेत्रांमध्ये अमूल्य योगदान दिल्याबद्दल मनोज बाचले व शिक्षा क्षेत्रांमध्ये विविध क्षेत्रात लौकिक प्राप्त शिक्षकांना खास मानपत्र व सन्मानचिन्ह नामवंत पाहुण्यांच्या प्रमुख उपस्थिती प्रदान करण्यात आला. तसेच संजय गांधी स्मृती विद्या मंदिर ,हिगंणघाट येथील अरविंद दहापुते यांना त्रिलोचन सन्मान नफरवाडी जगन्नाथ दास रत्नाकर सन्मान स्मृतिचिन्ह व प्रमाणपत्र देऊन पाहुण्यांच्या हस्ते सन्मानित करण्यात आले. दिल्ली येथे संस्था डॉक्टर नरेश सागर,निर्देशक प्रजापती,श्री मनोज मिष्रा,पोलिस उपनिरीक्षक खर्जरे मॅडम,किरण शकुंतला उपस्थित होते.या सम्मान सोहळ्यामध्ये नेपाल,काठमांडू,जयपूर,लखनऊ येथून शिक्षक व सामाजिक क्षेत्रात कार्य करणारे व्यक्ती उपस्थिती होती. महाराष्ट्रातील वर्धा येथील दोन शिक्षकांनी कला क्षेत्र व सामाजिक क्षेत्रात विशेष योगदान दिल्याबद्दल मनोज बाचले व अरविंद दहापुते यांना राष्ट्रीय पुरस्कार देऊन सन्मान करण्यात आला. या कार्यक्रमाला यशस्वी करण्याकरिता डॉ.सागर देहलवी,इमरान एडवोकेट यांच्या सहकार्याने यशस्वी झाला या पुरस्कार प्राप्त शिक्षकांचे परिसरात कौतुक होत आहे.