निघोजकरांसाठी आनंदाची बातमी कोरोना संशयितांचे रिपोर्ट निगेटिव्ह

प्रतिनिधी / पारनेर

पारनेर तालुक्यातील निघोज येथील ४ रुग्णांना अहमदनगर येथे तपासणीसाठी दाखल करण्यात आले होते.अहमदनगर येथे दाखल करण्यात आल्यानंतर त्यांची तपासणी करून त्यांचे नमुने तात्काळ पुणे येथे तपासणीसाठी पाठविण्यात आले होते.

आज सकाळी त्या ४ ही रुग्णांचे रिपोर्ट मिळाले असून सर्व रिपोर्ट निगेटिव्ह आल्याचे तहसीलदार ज्योती देवरे व तालुका आरोग्य अधिकारी डॉ. लाळगे यांनी सांगितले आहे.

यामुळे निघोज परिसरासह तालुक्यातील जनतेच्या मनावरील आलेले दडपण दूर झाले असून यापुढे सर्वांनी काळजी घेऊन घरातच राहावे असे आवाहन प्रशासनाने केले आहे.